Врховниот суд на Соединетите американски држави ја задржа мерката со којашто се овозможува протерување на илегалните мигранти фатени на границата кон Мексико, донесена во текот на пандемијата на Covid-19.
За продолжувањето на оваа мерка, наречена „Наслов 42“ (Title 42) којашто од март 2020 година е применета околу 2,5 милиони пати, Врховниот суд на САД гласаше со 5 „за“ наспроти 4 „против“.
Во март 2020 година администрацијата на поранешниот републикански претседател Доналд Трамп го активираше овој здравствени систем а се однесува на законот за јавното здравје од 1944 година, со кој се овозможува без одлагање да се протераат мигранти без дозвола за престој уапсени на копнените граници, вклучително и потенцијалните баратели на азил.
Станува збор за моментална мерка за протерување и не дозволува правен лек. Предвидени се и ретки исклучоци, за одредени националности како што сега се Украинците поради инвазијата од Русија врз нивната земја или за малолетници без придружба.
Активистите за човекови права сметаат дека тоа претставува кршење на меѓународното право. За нив моменталниот систем само ги поттикнува мигрантите тајно да ја преминуваат границата и преземање на сѐ поголеми ризици минувајќи ни пустините или реките.
Меѓутоа, укинувањето на мерката која во април 2022 година го оспорија 19 американски сојузни држави, кои стравуваат од голем и неконтролиран прилив на мигранти на границата со Мексико. Врховниот суд сега ја задржа мерката на неодредено време, со што ги потопи надежите на застапниците на правата на мигрантите кои очекуваа дека ќе биде укината.
Мерката ќе остане на сила до периодот кога Врховниот суд не одлучи за меритумот на овој случај. Ќе бидат сослушани аргументите на двете страни во февруари 2023 година, а одлуката ќе биде објавена следната пролет.
Одлуката на Врховниот суд ја поздравија републиканците, а разочарување изразија демократите и нивните неолиберални сојузници во невладините организации.
„Тоа ќе ги спречи луѓето коишто живеат на границата да потонат во тотален хаос“, изјави Тони Гонзалес, функционер од Тексас кој мандатот го доби на избори.
„Длабоко сме разочарани поради сите очајни баратели на азила кои и натаму ќе страдаат поради ‘Насловот 42’, но ќе продолжиме да се бориме за на крајот да ја укинеме таквата политика“, изјави Ли Гелернт, адвокат на Американската унија за граѓански слободи (ACLU).
Американскиот претседател Џо Бајден во текот на предизборната кампања и вети обемна реформа на миграцискиот систем, но сите негови предлог-закони заглавија во Конгресот и пред на ноемвриските избори на половина од мандатот опозициските републиканци да ја преземат контролата над долниот дом Претставничкиот дом а се израмнети во Сенатот, горниот дом на американскиот Конгрес.
