Претседателот на Република Србија, Александар Вучиќ денеска положи заклетва на 11-татa специјална седница на Народното собрание на Република Србија и ја презеде функцијата во својот втор мандат. Tој во својот долг говор се осврнал и на односите со Македонија, како и за иницијативата „Отворен Балкан“.
-Она што го постигнавме во претходниот период ни е многу важно. Благодарение на иницијативата Отворен Балкан, за која сесрдно ќе се залагам и ќе се борам, со Северна Македонија и Албанија имаме веројатно најдобри односи во историјата.
Посебно сакам да се заблагодарам на СПЦ, Неговата Светост Патријарх Порфириј за исклучително мудрите одлуки што ги донесе и со тоа дополнително придонесе за пријателството и братството што го имаме со македонскиот народ. Ова е нешто што ќе го суди историјата, Ваша Светост, а не некој дневен извештај.
Благодарение на вас и благодарение на политиката што ја водевме, денес Србија е најпопуларната земја во Северна Македонија, кај нивното население, денес ги чувствуваме како браќа и немаме никакви проблеми во тие односи и тоа е одлична работа што успеавме да ја направме, изјавил, меѓу другото, Вучиќ во српското собрание.
