Клупскиот доктор на актуелниот шампион на Италија, тимот на Јувентус потврди дека последната повреда која црногорскиот интернационалец Мирко Вучиниќ ја има заработено на последниот тренинг е од посериозна природа и дека истата бара мирување во следните неколку недели.
„За среќа, не станува збор за кинење на лигаментите во повреденото колено. Станува збор за истегнување и тоа од втор степен. Мирко нема да биде во комбинација за игра во следните неколку недели. Ќе мора да пропушти неколку првенствени натпревари и натпреварот од 1/16 финалната рунда од Лигата на Европа”, изјави клупскиот доктор на „старата дама”.
Предводникот на Јувентус, Антонио Конте и понатаму е на слатки маки кога е во прашање напаѓачката линија.
Конте на располагање ги има услугите на Карлос Тевез, Фернандо Љоренте, Даниел Пабло Освалдо, Себастијан Џовинко и на Фабио Кваљарела.
