Во провинциите погодени од земјотресите за 10 дена се родени 4.627 бебиња, покажуваат информациите добиени од Генералната дирекција за јавно здравје на Турција.
Турското Министерство за здравство нформира дека им дава поддршка на мајките на овие бебиња родени во провинциите погодени од земјотресот и на идните мајки кои се подготвуваат за раѓање, во многу области како што се следењето на бременоста и важноста на мајчиното млеко.
Информирајќи ги мајките дека бебињата треба да се хранат со мајчино млеко за да се заштити нивното здравје, тимовите обезбедуваат обука за доење на мајките кога е тоа потребно.
-Тимовите на Министерството вршат скрининг, вакцинација и здравствени проверки за здравјето на мајките и доенчињата и применуваат вакцинации, соопштија властите.
Во катастрофалниот земјотрес што ги погоди југоисточните делови на Турција и делови од Сирија на почетокот на месецов, загинаа над 42.000 луѓе, а бројот на жртви само во Турција е поголем од 35.000.