Либанскиот министер за надворешни работи Абдала Бу Aбиб изрази доцна во вторникот разочарување од изјавите на американскиот претседател Џо Бајден за ескалацијата на кризата меѓу Либан и Израел, но рече дека се надева оти Вашингтон, сепак, може да интервенира и да помогне.
„Тоа не беше силно. Не беше ветувачко и нема да го решило овој проблем“, рече Хабиб, коментирајќи го говорот на Бајден на Генералното собрание на Обединетите нации претходно истиот ден.
„Сè уште се надевам. Соединетите држави се единствената земја што навистина „може да направи разлика“ на Блискиот исток како што тоа го прави во однос на Либан“, истакна шефот на либанската дипломатија.
Абиб зборуваше за време на настан организиран од Фондацијата Карнеги за меѓународен мир.
Се проценува дека околу половина милион луѓе се раселени во Либан, рече тој. Либанскиот шеф на дипломатијата рече дека либанскиот премиер се надева дека ќе се сретне со американски претставници во следните два дена.
Бу Абиб посочи дека израелската влада не се залага сериозно за договорен крај на борбите и наместо тоа се стреми да победи на бојното поле.
Претходно во својот говор пред Генералното собрание, Бајден се обиде да ги смири тензиите во време кога има изгледи војната меѓу Израел и палестинската исламистичка организација Хамас, која трае речиси една година, да се прелее во Либан во борба против Хезболах.
„Сеопфатна војна не е во ничиј интерес. Дури и ако ситуацијата ескалирала, сепак е можно дипломатско решение“, изјави американскиот претседател на Генералното собрание со 193 земји-членки.
Бајден доби аплауз кога ги повика Израел и Хамас да ги финализираат условите за договорот за прекин на огнот и ослободување на заложниците предложени од Соединетите држави, Катар и Египет.
