Откако ја задолжија државата за близу 7 милијарди оставија на улица 55.000 луѓе и затворија 6.200 фирми, Заев и СДСМ ќе ја приватизираат Царина. Заев и СДСМ сакаат да стават рака врз наплатата на акцизата за тутун, лекови, пиво и вино. Заев и СДСМ сакаат да имаат компетен увид врз тековите во тутунската, фармацевската и индустријата за алкохолни пијалоци. Приватизација на Царината, е приватизација на државата, реагираат од ВМРО-ДПМНЕ.
„Власта преку промените во законот и формирање на јавно приватно партнерство со приватна компанија која ќе ги наплаќа акцизите директно ѝ дава на истата компанија сила, моќ и ингеренции како на државен орган. Приватна фирма ќе ги преземе сите ингеренции во однос на наплата на акцизата од Царинската управа. Државата нема да има никаков бенефит од ова јавно приватно партнерство за приватизација на Царината, а полза единствено ќе има приватната фирма која што во ваквиот модел би и била партнер на државата. Која е таа приватна фирма и дали Заев планира лично тој, некои од Заеви или ним блиски луѓе да се всушност сопственици на фирмата која што ќе ја приватизира Царина“, велат од опозициката партија.
Од ВМРО-ДПМНЕ порачуваат дека Царинската управа е државен орган, а надлежостите кои што ги има Царина се надлежности кои што може да ги има само државен орган.
„Со приватизацијата на Царината се создава уште еден парафискален орган од кој ќе се полнат сметките на неколку луѓе“, велат од ВМРО-ДПМНЕ.
