Во селото Пржеводов на полската страна на полско-украинската граница попладнето се случила експлозија, а според првичните информации загина две лица.
Полските портали објавија дека војската и полицијата се на терен, но причината за експлозијата засега официјално не е позната.
Дел од полски медиуми јавија дека експлозијата се случила по пад на проектил. Оваа вест не е официјално потврдена.
Неименуван висок американски претставник изјави дека експлозијата е предизвикана од руски ракети. Од Пентагон изјавија дека не можат да потврдат дека се работи за руски ракети.
Портпаролот на полската Влада, Пјотр Мулер не ја потврди информацијата, но истакна дека е свикан итен состанок поради „кризна ситуација“.
