Дисциплинската комисија на европската фудбалска асоцијација УЕФА го казни хрватскиот шампион загрепски Динамо со затворање на северната трибина на стадионот во Максимир за следниот домашен натпрвар од Лигата на шампионите и со 63.000 евра.
Казната е изречена поради настаните од второто коло од Групата Д, на натпреварот со белгиски Андерлехт кој се одигра во Брисел.
Динамо се казне со затворање на северната трибина од максимирскиот стадион, со 50.000 евра поради расизам, 5.000 евра за користење на пиротехника, и уште со 8.000 евра поради фрлање предмети на теренот.
Покрај тоа, Динамо ќе мора да ја спроведе директивата на УЕФА под мотото Equal game на следниот натпревар пред своите гледачи и да го прикаже транспарентот #EQUALGAME и грбот на УЕФА преку целата северна трибина.
Динамо на следниот домашен меч во Европската лига ќе игра против словачки Спартак од Трнава на 8-ми ноември.
