Лондон официјално го одобри украинскиот поранешен врховен командант Валериј Залужни за амбасадор во Обединетото Кралство и тој наскоро ќе ја преземе функцијата, изјави Михаил Подољак, советник на шефот на канцеларијата на украинскиот претседател.
„Колку што разбрав, сè е официјално договорено. Тој ќе биде амбасадор, при што е добиен договор и завршени се сите протоколарни процедури на Министерството за надворешни работи“, рече тој во интервју за телевизискиот канал Киев 24.
На 8 февруари, украинскиот претседател Володимир Зеленски го разреши Залужни од функцијата врховен командант на украинската армија, посочувајќи како причина стагнација на фронтот и потребата од „ресетирање на генералството“. Сепак, на 9 февруари Зеленски му ја додели титулата Херој на Украина. На 7 март, Министерството за надворешни работи на земјата соопшти дека Зеленски се договорил за кандидатурата на Залужни за позицијата украински амбасадор во Обединетото Кралство.
