Во период од половина час во текот на ноќта, непознати лица запалиле 11 паркирани возила и два банкомата во шест атински населби.
Од противпожарната служба на Грција соопштуваат дека во гаснењето на пожарите учествувале 25 пожарникари со 12 возила.
Според грчката новинска агенција ANA, дел од запалените возила биле во сопственост на компании за брза пошта, а едно запалено комбе било во сопственост на супермаркет.
Во јануари и февруари годинава имаше слични случаи на запалени паркирани автомобили во Атина, а одговорноста, тогаш ја презедоа анархистички групи.
