Изборачи одбор во поброен состав. Редици од цело едно одделение за да го остварат гласачкото право. Затвореници од „Идризово“ го избираа својот претседателски фаворит, но и градоначалник за Охрид, Ново Село и Дебар. Претпладневно ја наполнија изборната кутија за идниот шеф на државата. Во затворите се запишани 1.640 гласачи.
Во најголемиот затвор во земјава „Идризово“ право на глас имаат вкупно 817 затвореници. Први своето гласачко право за претседателските избори 2019 година го искористиле жените.
Од повеќе од 1.100 сместени во „Идризово“ 215 затвореници немаа право на глас. До пладне излезноста била 37 проценти. Под капата на „Идризово“ се гласа и во Велес, а избирачкото право го имаат 41 затвореник. Проблеми во „Идризово“ додека бевме таму немаше, освен што дел од затворениците немаа лична карта.
Покрај осудените лица во саботата гласаше дијаспората, старите изнемоштени, како и раселените. Се избира петтиот шеф на државата, на шестите претседателски избори.
