Завршните турнири ВТА ќе се одржуваат во главниот град на Саудиска Арабија од 2024 до 2026 година, објави во четвртокот кровната федерацијата на женски тенис.
„Да се има женски турнир од оваа големина и профил е дефинитивен момент за тенисот во Саудиска Арабија. Финалето на ВТА има моќ да инспирира многу повеќе од спортот, особено нашите млади девојки и жени“, рече саудискиот министер за спорт, принцот Абдулазиз бин Турки ал-Фајсал ал-Сауд.
Разговорите дека настанот може да се пресели во Саудиска Арабија се интензивираа откако ATP Tour ланскиот август објави дека финалето на Следната генерација ќе се одржи во Џеда од 2023 до 2027 година.
„ВТА го избра Ријад по обемен процес на евалуација во текот на неколку месеци, кој вклучуваше процена на повеќе понуди од различни региони и ангажман со играчите“, се вели во соопштението.
Саудиска Арабија инвестираше многу во спортови како што се фудбалот, Формула 1 и голфот во последниве години, додека критичарите го обвинуваат кралството дека го користи својот Фонд за јавни инвестиции за „спортско перење“ на кршењето на човековите права во земјата.
Земјата ги негира обвинувањата за кршење на човековите права и вели дека ја штити својата национална безбедност преку своите закони.
