Украинскиот претседател Володимир Зеленски изјави доцна во неделата дека безбедносните гаранции за Киев за ставање крај на војната со Русија ќе бидат ефективни само доколку ги обезбедат Соединетите држави.
Зеленски изрази надеж и дека ќе се сретне со новоизбраниот американски претседател Доналд Трамп веднаш по неговата инаугурација.
Во интервју за американскиот „подкастер“ Лекс Фридман, Зеленски го пофали идниот американски претседател, кој вети дека брзо ќе ја заврши војната, но досега без да објасни како, но велејќи дека Украинците сметаат на него да ја принуди Москва да се согласи на траен мир.
Речиси три години по почетокот на руската инвазија, изборот на Трамп, кој се враќа во Белата куќа на 20 јануари, ги подгреа надежите за дипломатско решение за ставање крај на војната, но и стравувањата во Киев дека може да дојде до брз мир по висока цена.
Зеленски го искористи тричасовното интервју објавено на YoTube повторно да бара членство на Украина во НАТО, амбиција којашто беше главната причина Русија да ја започне својата инвазија, како и да го нагласи своето верување дека прекинот на огнот без безбедносни гаранции за Киев „само ќе ѝ даде на Русија време да се вооружи за нов напад“.
Украинскиот лидер, кому претседателскиот мандат му истече минатата година, рече и дека Белата куќа за време на Трамп одиграла клучна улога во обезбедувањето безбедносни гаранции и тврди дека тој и новоизбраниот претседател на САД се соочени околу потребата од пристап „мир преку сила“ за ставање крај на конфликтот.
„Без САД не се можни безбедносни гаранции. Мислам на безбедносни гаранции кои можат да ја спречат руската агресија“, рече Зеленски.
Рече и дека треба да седнат со Трамп за да го одредат курсот на дејствување за да се запре Русија, а европските влади, исто така, треба да имаат глас во процесот.
