Прочуената бардовска зелка, цел месец ќе се продава во огромни количини, на околу 20-ина тезги кои им ги обезбеди Општина Карпош.
Тезгите Општината им ги даде на продавачите на привремено користење, без надоместок.
И оваа година, бардовчани ќе имаат можност да им го продадат својот род на граѓаните од Карпош, но и на цело Скопје, за зимските подготовки на специјалитетот „кисела зелка“.
Освен традиционалната зелка, изложена на влезот на село Бардовци, ќе се продаваат вреќи компири и праз, како актуелни производи за зимската сезона.