Земјотрес со магнитуда од 2,7 степени според Европската макросеизмичка скала почувствуван е во 14.46 часот во мавровскиот регион, 20 километри југозападно од Гостивар. Земјотресот бил на длабочина од два километра. Утрово во 4.44 часот беше почувствуван уште еден послаб земјотрес во Маврово.
Во западниот дел на Македонија на 7 километри од Кичево претпладнево во 11.24 часот регистриран е уште еден земјотрес со јачина од 3.0 степени по Рихтер на длабочина од 2 километра.
Од 27-ми јануари во мавровскиот регион регистрирани се десетици земјотреси од кои најсилниот беше од 3,6 степени. Епицентрите на сите земјотреси беа околу езерото, со длабочина од еден до два километри.
