Земјотрес почувствуван во Битола и Ресен. Како што информираат од сеизмолошката опсерваторија во Скопје, земјотресот бил почувствуван во јужните делови од Република Македонија со интензитет 3.7 степени според Рихтеровата скала.
Телеметриската сеизмолошка мрежа на Република Македонија, со станици во Скопје, Штип, Валандово, Битола, Охрид и Крушево, одржувана од Сеизмолошката опсерваторија при Природно-математичкиот факултет во Скопје, денес, на 24.08.2015 год., во 06 часот и 25 минути, регистрира земјотрес чиј епицентар се наоѓа во соседна Грција, 35 km јужно од Битола и е со јачина од 3.7 степени според Рихтеровата скала, се наведува во соопштението.
