Министерството за здравство информираше дека од денеска, започнува со работа гинекологот во амбулантата во скопската општина Шуто Оризари.
Во амбулантата ќе работи д-р Вјолца Мбиара, специјалист-гинеколог со долгогодишно работно искуство, меѓу другото, и во американска болница во Албанија.
„Конечно во амбулантата во Шуто Оризари ќе работи и гинеколог, со што решивме долгогодишен проблем и обезбедивме континуирана гинеколошка здравствена заштита за жените од oпштината“, изјави министерот Арбен Таравари.
