Во Итната медицинска помош во Скопје деновиве е зголем бројот на повици, а денеска, за разлика од другите денови, има многу интервенции на јавни места, но не само за колапси од топлото време,
„Денеска нема нешто што е екстремно, сообраќајките се помалку, од утрото има две со полесни повреди. Колапсите се стандардно колку што се секој ден. Но има многу интервеции на јавни места, и тоа не се само колапси, туку и повредени, паднати итн. Имаше превртен од трактор во село Смесница во Зелениково, епи-напад во Градски парк“, вели д-р Карамановски.
Колапсите се должат, најверојатно, на топлото време и поради тоа што граѓаните не ги слушаат препораките да се избегнува излегување кога е најжешко.
„-На пример, во 13.15 часот, имаше колабирана на Зелен пазар. И тоа беше помлада госпоѓа, која очигледно не ги почитувала препораките што ги упатуваме преку јавните медиуми и во 13.15 излегла да пазари“, рече одговорниот доктор на смена во ИМП.
И сообраќајките денес, во кои нема потешко повредени, според лекарот, можеби се последица и од намалена концентрација.
„Повредите се полесни. Очигледно намалена концентрација, сите брзаат некаде, топлото време си го прави своето, исто како и динамичниот живот“, додава докторот.
Укажува да се почитуваат здравствените препораки – во посочениот период од денот да не се излегува на отворни простори, се зема доволно количина течности, се носи лесна и светла облека, капи, очила за сонце.
Поради годишните одмори, Итната медицинска помош работи со редуциран број екипи на терен.
