Земјоделските површини минатата година се зголемени за 0,1 отсто во споредба со 2014. Кај обработливата површина зголемување има кај ораниците и бавчите за 0,4 проценти, кај овоштарниците за 3,6 и кај лозјата за 0,8 проценти. Намалување е забележано кај ливадите за 0,8 отсто и пасиштата за 0,1 процент, соопшти Државниот завод за статистика.
Во 2015 година, во споредба со 2014, поголемо зголемување на производството се забележува кај доматите за 8 проценти, пиперките за 7,7 и краставиците за 38,3 проценти, а намалување има кај житата, тутунот, сончогледот, компирот и луцерката.
Производството на овошје, пак, бележи зголемување кај сите видови, освен кај црешите, додека производството на грозје бележи зголемување за дури 65,8 проценти.
