Селекторот на канадската кошаркарска репрезентација и поранешен помошник тренер на Сакраменто Кингс, 41-годишниот Жорди Фернандез е именуван за главен тренер на НБА тимот на Бруклин Нетс.
„Возбудени сме што можеме да објавиме дека Жорди Фернандез е новиот тренер на Бруклин Нетс. Во последните шест седмици интензивно баравме ново решение и стана јасно дека Жорди е најдоброто решение да го придвижиме нашиот тим напред. Џорди со себе носи богато искуство стекнато работејќи низ целиот свет а секаде покажа способност да воведување креативни системи за оптимизирање на својот ростер. Тој, исто така, покажа како да се градат одлични односи и да се заслужи почитта од играчите“, изјави генералниот директор на Нетс, Шон Маркс.
Од Бруклин не ја прецизираа временската рамка од договорената соработка со Фернандез.
Иако е роден во Барселона, Фернандез е во НБА лигата од 2013 година и вршеше разни должости во тренерските штабови, а наминатогодишното Светко првенство со Канада го освои третото место.
Фернандез седнува на клупата на Бруклин Нетс од позицијата асистент тренер во Сакраменто Кингс.
Бруклин сезонава првпат во последните шест години не успеа да обезбеди пласман во доигрувањето за титулата, со сооднос од 32 победи и 50 порази.
