Индија произведе значително помалку чај во 2024 година поради топлотните бранови и поплавите во регионот Ассам, објави државната комисија.
Индија лани произвела 1.284,78 милиони килограми чај, што е за 7,8 отсто помалку отколку во претходната 2023 година.
Производството во Ассам се намали за 5,6 отсто на 649,84 милиони килограми поради топлотните бранови и поплавите на врвот на сезоната на жетва, соопшти одборот.
Индија е втор најголем производител на чај во светот. Црниот чај преработен со методот CTC главно се извезува во Египет и Обединетото Кралство, а тој со традиционалната обработка во Ирак, Иран и Русија.
Во методот CTC, листовите се дробат, се сечкаат и се валкаат во топчиња. Во традиционалната обработка, листовите се сечкаат на ленти.
Намалената понуда резултираше со значително повисоки цени на чајот, кои минатата година во просек изнесуваа 198,76 рупии (2,19 евра), што е речиси 18 отсто поскапо од 2023 година.