сабота, 25 март 2017  |  Вести денес: 24

Димитриев: Различностите во Македонија се наша предност и богатство

Различностите во Македонија се наша предност и богатство кои треба да ги негуваме, а ВМРО-ДПМНЕ тоа го препознава од дамнина, уште од Крушевскиот манифест, порача Димитриев.

dimitriev-640x487

Поврзани вести

Различностите во Македонија се наша предност и богатство кои треба да ги негуваме, а ВМРО-ДПМНЕ тоа го препознава од дамнина, уште од Крушевскиот манифест, кој е еден од најавтентичните граѓански акти што нашата организација го има донесено во минатото, како и од политиката која сега ја спроведуваме . Ова на синоќешната Ифтар вечера во Велес го истакна премиерот Емил Димитриев.

Во рамките на рамазанските пости синоќа во Велес се одржа ифтар-вечера, која ја организира велешкиот градоначалник Славчо Чадиев. Премиерот Емил Димитриев, кој присуствуваше на вечерата, упати честитки до исламските верници за светиот месец рамазан.

Како што рече, со ова ВМРО-ДПМНЕ на дело покажува дека оваа партија прерасна во граѓанска партија во која се обединуваат сите етнички структури.

Како верник, немам проблем да живеам со вистински верници од различна вероисповед. Мене ме загрижуваат луѓе кои недоволно ја познаваат верата и се предмет на структури кои не ѝ мислат добро на земјава. Затоа давам силна поддршка на учењето на верските доктрини, на нормите на сите религии што егзистираат во Македонија, бидејќи тие проповедаат мир, соживот, соработка. Тоа е богатство на Македонија како мултиетничка држава и треба да го одржуваме, а овој месец нека ви помине со позитивни мисли и добри дела, порача премиерот Димитриев.

Благодарност за организирањето на ифтар-вечерата упати Нијаз Мустафовски, оџа од Велес.

Најчитани вести