Маж и жена кои паднале во провалија на падините на планината Водно, во близина на локалитетот Марково Крувче, кај новотрасираниот пат биле спасени синоќа од екипа на Бригадата за противпожарна заштита на Град Скопје.
Екипата на БППЗ составена од шест пожарникари и предводена од командантот на првата чета, Сретко Цимевски, на терен успешно интервенираше со техничка опрема соодветна за интервенции при вакви несреќни случаи. Интервенирано е на непристапен терен на длабочина од 50 до 100 метри.
Интервенцијата за спас на маж и жена кои паднале во провалија, почнала веднаш по примената дојава од страна на машкото лице околу 19.20 часот и успешно е завршена во 22.15 часот.
