Балкан

Мигранти повредени во сообраќајна несреќа во Унгарија

Мигранти повредени во сообраќајна несреќа во Унгарија

Осуманаесет мигранти се повредени откако камион, управуван од Романец во четвртокот се преврте  во западниот дел на Унгарија.

Камионот се регистерски таблички на романскиот град Тимишоара превезувал 40 мигранти од Сирија. Возачот на камионот е уапсен под обвинение за илегална трговија со луѓе.

Романецот ги превезувал Сиријците од српската граница и требало илегално да ги внесе во Австрија.

Во сообраќајната несреќа освен мигранти, повреден е и возачот. Повредените Сиријци се хоспитализирани, а другите мигранти избегале.

Лазар: Унгарија нема да биде во можност да ги прими мигрантите

Унгарскиот премиер Виктор Орбан упати писма денеска до челниците од Европската комисија и Европскиот парламент по прашањето за илегална миграција, пред се за враќањето мигранти во првата точка од нивниот влез во ЕУ, изјави денеска шефот на Кабинетот на Владата на Унгарија, Јанош Лазар, објави МИА.

Прашањето за мигранти исто така ќе биде клучна тема на заедничката седница на владата на Србија и на Унгарија на 1 јули.

Лазар рече дека според најновите податоци, во првите фази 16.000 мигранти ќе бидат испратени во Унгарија од други членки на ЕУ.

Унгарија нема да биде во можност да ги прими – нагласи Лазар.

Според проценките на надлежните министерства во таа држава, цифрата може да се зголеми на дури 200.000 мигранти во втората половина од годината.

Владата го оспорува образложението за испраќање на тие мигранти во Унгарија бидејќи тие очигледно прво влегле на територија на ЕУ од Грција – нагласи Лазар.