Магазин

Можете ли да издржите 99 дена без „Фејсбук“?

Можете ли да издржите 99 дена без „Фејсбук“?

Холанѓаните неодамна почнаa кампања во која ќе учествуваат сите што веруваат дека можат да издржат 99 дена без најпопуларната друштвена мрежа на светот.

Тоа е еден вид одговор на контроверзните и ненајавени истражувања кои неодамна беа спроведени од страна на „Фејсбук“.

Проектот е наречен „99 дена на слобода“, а целта е да се проучува како оттргнувањето од „Фејсбук“ влијае врз корисниците кои се зависни од оваа мрежа.

Секој корисник што се чувствува доволно храбро може да учествува, а доволно е да го посетите официјалниот веб-сајт и да го симнете аватарот со помош на кој ќе им кажете на вашите пријатели дека во следните 99 дена го оставате „Фејсбук“.

Во овој експеримент во моментов учествуваат над 15.000 кандидати, а водичите на кампањата за време на експериментот редовно ќе испраќаат прашалници во кои учесниците ќе го споделуваат искуството од апстиненцијата.