Двајцата осомничени за нападот на рускиот генерален конзулат во Марсеј се притворени, изјавил за ТАСС портпаролот на обвинителството во Марсеј.
„Обвинителството во Марсеј го потврдува приведувањето на две полнолетни лица и нивното ставање во притвор“, изјавил портпаролот, додавајќи дека и двајцата се француски државјани. Двајцата мажи, родени 1965 и 1977 година, се осомничени за „оштетување имот со употреба на запаливи или експлозивни материи“.
Рускиот генерален конзулат претходно за ТАСС изјави дека на 24 февруари непознати лица фрлиле три предмети во просториите на дипломатската мисија. Две од нив експлодирале. Нема жртви, ниту е причинета материјална штета на објектот.
