Христијан Мицковски, кој беше единствениот кандидат, е избран во саботата за нов лидер на ВМРО-ДПМНЕ, на местото на Никола Груевски, на крајот од дводневниот вонреден 16-ти Конгрес на партијата којшто се одржуваше во Валандова.
Од вкупно 438 делегати на денешниот вонреден Конгрес гласале 428. Неважечки биле 52 ливчиња, а 376 гласале за Мицкоски.
Комисијата за избор на претседател успешно го спроведе гласањето за избор на претседател на ВМРО-ДПМНЕ.
„Од вкупно 438 пријавени делегати на Конгресот гласале 428, од кои неважечки ливчиња избројани се вкупно 52, а додека за Христијан Мицкоски за избор на претседател на ВМРО-ДПМНЕ гласале вкупно 376“, истакна членот на комисијата, Марјан Ристески.
Со тоа Комисијата за избор на претседател на ВМРО-ДПМНЕ констатираше дека Христијан Мицкоски е избран за нов претседател на ВМРО-ДПМНЕ.
https://www.youtube.com/watch?v=BSBFztKq1Lc
