Во вечерашното издание на дебатната емисија “Што не е јасно” на ТВ Алфа гостуваше претседателот на ВМРО-ДПМНЕ, Христијан Мицкоски кој се осврна на моменталната политичка ситуација во земјата, лошите владини политики и мерки во однос на здравствената криза, како и на чекорите кои ВМРО-ДПМНЕ ќе ги преземе во наредниот период.
Мицкоски потенцираше дека државната администрација, како и сите државни органи се заробени од ДУИ речиси дваесет години. Притоа додаде дека не е нормално една политичка партија да создава држава во институциите и да функционира согласно сопствените потреби.
„Македонската и албанската опозиција ќе мора да делува заеднички во одредени сегменти, бидејќи локалните избори се зрела шанса за граѓаните да изберат во своја корист и да се ослободат од ова тоталитарно владеење на СДСМ и ДУИ, а особено она на ДУИ кои 20 години е закотвено во државните институции. Од таквиот начин на работа и инфилтрирањето само на партиски кадар насекаде низ државните институции, придобивка немаат ниту Македонците, ниту Албанците, ниту, пакм другите етнички заедници. Тоа е уназадување на општеството”, истакна Мицкоски.
Лидерот на ВМРО-ДПМНЕ оцени дека формирањето на своевидната „длабока држава“ придонесува за задушување на општеството и на кратење на можностите на граѓаните.
„ДУИ користи ист модел веќе 20 години и тој не возвраќа со никаков резултат кој го почувствувале граѓаните на Република Македонија. Токму затоа на таквиот начин на работа мора да му се стави крајот, а тоа е возможно само доколку се сплотат сите опозициски партии“, заклучи Мицкоски.
