Претседателот на ВМРО-ДПМНЕ Христијан Мицкоски, во интервју за Ал Џезеира, во врска со изборите, истакна дека Коалицијата ВМРО-ДПМНЕ – АА –А ќе победи на изборите, а СДСМ-ДУИ немаат веќе што да и понудат на државата и ќе бидат делегитимирани на овие избори.
„Очекувам ВМРО-ДПМНЕ на победи по сите основи, односно коалицијата која ја предводи ВМРО-ДПМНЕ, во албанскиот блок очекувам со Алијанса за албанците и Алтернатива да освои најголем број на градоначалници исо тоа комплетно да ја делегитимираме оваа коалиција на власт СДСМ-ДУИ овие политички обединети измамници“, истакна Мицкоски.
Смета дека не само што коалицијата меѓу СДСМ и ДУИ немаат никаков кадровски потенцијал, туку веќе немаат ни што да ѝ понудат на Македонија и на нејзините граѓани.
„Очекувам да имаме поголем број на градоначалници и советници од коалицијата која ја предводи СДСМ, а за денот потоа има неколку сценарија, но да почекаме да дојдеме до 17-ти октомври прво“, вели Мицкоски.
Истакна дека во тие неколку сценарија има можност и за ново владино мнозинство, како и можни парламентарни избори кои тоа мнозинство ќе ги спроведе, а убеден е дека резултатите од изборите ќе бидат во корист на ВМРО-ДПМНЕ и коалицијата.
