Само нелигитимен премиер којшто е поставен на начин на кој што е така поставен може гласот на народот да го смета за нерелевантен. А, колку е тој релевантен ќе види на 20-ти август овдека во Тетово кога советничката листа на СДСМ ќе доживее класичен дебакл од граѓаните на Тетово. А, на следните предвремени парламентарни избори тој лично и неговите политики како нелигитимен премиер ќе доживеат дебакл од страна на граѓаните на Македонија“, истакна во неделата претседателот на ВМРО-ДПМНЕ, Христијан Мицкоски.
Додаде дека тој нема што повеќе да додаде како коментар на денешната изјава на премиерот и лидер на СДСМ, Димитар Ковачевски, за „нерелевантноста“ на референдум за преговарачката рамка со Бугарија за кој се залага ВМРО-ДПМНЕ, освен да каже дека за 20-ина дена кога порача дека „гласно ќе одекне народот“ во Тетово и потоа и насекаде низ Македонија, а Ковачевски како нелигитимен премиер ќе слушне што има народот да каже.
„Од власта бегаа кога требаше да се соочат со своите колеги од опозицијата кога се гласаше за доверба на Владата, а бегаат и сега од соочување со граѓаните на референдум. Консултациите кои што ВМРО-ДПМНЕ ги прави течат, многу скоро веќе на следната седница на Извршниот комитет на ВМРО-ДПМНЕ ќе разговараме на оваа тема, но и многу скоро од денеска јавноста ќе ги знае нашите чекори кон референдумското изјаснување“, појасни претседателот на ВМРО-ДПМНЕ при презентирање на советничката листа на општина Тетово за претстојните избори на 20-ти август.
