Кошаркарите на Њу Орлеанс Пеликанс загубија од Орландо Меџик со 93:113 на домашен терен. Најефикасен кај Орландо беше Паоло Банкеро со 34 поени и 11 скока, а ова за Пеликанс беше петти пораз во последните шест натпревари и тие се претпоследни на Западот со 18 победи и 49 порази.
Голден Стејт Вориорс на домашен терен во Сан Франциско ги совладаа Сакраменто со 130:104 и го забележаа шестиот последователен триумф. Најефикасен кај Голден Стејт беше Дрејмонд Грин со 23 поени. Џонатан Камингс постигна 18 поени во својот прв натпревар по враќањето од повреда која го оддалечи од 4 јануари, Мозес Муди постигна 17 поени, додека Бади Хилд додаде 16 поени.
Стивен Кари ја постигна својата 4.000-та „тројка“ на овој натпревар, со што стана првиот НБА играч кој го постигнал овој подвиг.
Демар Дерозан беше најефикасниот играч на Сакраменто со 23 поени, седум асистенции и пет скока, а најдобриот скокач во НБА сезонава, Домантас Сабонис, го пропушти овој натпревар поради истегнување на тетивата. Голден Стејт е шести во западната конференција со 38 победи и 28 порази, додека Сакраменто е деветти по третиот последователен пораз со резултат 33-32.
Милвоки Бакс на домашен терен ги совлада Лос Анџелес Лејкерс со 126:106, прекинувајќи ја серијата од три пораза. Кај Милвоки најефикасен беше Јанис Адетокумбо со 24 поени, 12 скока и девет асистенции, Брук Лопез додаде 23 поени, додека Кевин Портер Џуниор и Демијан Лилард постигнаа по 22 поени и 10 асистенции.
Најефикасен кај Лејкерс беше словенечкиот бек Лука Дончиќ, кој постигна 45 поени и забележа 11 скока, а Остин Ривс додаде 28 поени и 8 скока, а двоцифрен уште беше само Далтон Нехт со 10 поени. Четирикратниот најкорисен играч (МВП) во НБА, Леброн Џејмс го пропушти натпреварот поради повреда на препоните.
Милвоки е четврти во поредокот на Источната конференција со 37 победи и 28 порази, додека Лејкерси се четврти на Западот по третиот последователен пораз со резултат 40-24.
РЕЗУЛТАТИ
Детроит Пистонс – Вашингтон Визардс 125:129
Милвоки Бакс – Лос Анџелес Лејкерс 126:106
Чикаго Булс – Бруклин Нетс 116:110
Њу Орлеанс Пеликанс – Орландо Меџик 93:113
Голден Стејт Вориорс – Сакраменто Кингс 130:104
ТАБЕЛИ
Источна конференција
1. Кливленд 84,6 65 55 10 К
2. Бостон 71,2 66 47 19
3. Њујорк 64,6 65 42 23
4. Милвоки 56,9 65 37 28
5. Индијана 56,3 64 36 28
6. Детроит 55,2 67 37 30
7. Атланта 48,5 66 32 34
8. Орландо 46,3 67 31 36
9. Мајами 44,6 65 29 36
10. Чикаго 42,4 66 28 38
11. Торонто 34,8 66 23 43
12. Филаделфија 33,8 65 22 43
13. Бруклин 33,3 66 22 44
14. Шарлот 24,6 65 16 49
15. Вашингтон 21,5 65 14 51
Западна конференција
1. Оклахома Сити 81,8 66 54 12
2. Мемфис 63,6 66 42 24
3. Денвер 63,6 66 42 24
4. ЛА Лејкерс 62,5 64 40 24
5. Хјустон 62,1 66 41 25
6. Голден Стејт 57,6 66 38 28
7. Минесота 56,7 67 38 29
8. ЛА Клиперс 54,5 66 36 30
9. Сакраменто 50,8 65 33 32
10. Далас 49,3 67 33 34
11. Феникс 45,5 66 30 36
12. Сан Антонио 42,2 64 27 37
13. Портланд 41,8 67 28 39
14. Њу Орлеанс 26,9 67 18 49
15. Јута 22,7 66 15 51
