Холанѓанецот Макс Верстапен ќе ја започне неделната трка за Големата награда на Јапонија, трета од 24-те трки во сезоната во Формула 1, од најдобрата стартна позиција пред Британецот Ландо Норис и Австралијанецот Оскар Пјастри.
Актуелниот четирикратен светски шампион одлично го извозе последниот квалификациски круг на патеката Сузука и беше побрз од Норис и Пјастри за само 12 и 44 илјадити делови од секундата. Доминирајќи од почетокот на викендот, возачите на Мекларен, кои ги освоија првите две ГП во сезоната, ќе мора да се задоволат со второто и третото место на гридот.
Шарл Леклер од Ферари ќе стартува четврти, пред Мерцедесот на Британецот Џорџ Расел и Италијанецот Андреа Кими Антонели.
За третото Гран при во кариерата, францускиот дебитант Исак Аџар (Рејсинг Булс) го освои седмото место на гридот, пред неговиот британски идол Луис Хамилтон (Ферари). Топ 10 ја комплетираат Тајланѓанецот Александар Албон (Вилијамс) и Британецот Оливер Берман (Хаас).
