Windows 10 достапен е од вчера како бесплатна надградба или со нови компјутери и таблети. Бесплатната надградба е достапна во 190 земји, меѓу кои и во Македонија. Оваа верзија на најпознатиот оперативен систем во светски рамки вклучува иновации како што се Cortana, апликацијата на Xbox и Microsoft Еx за веќе познато, но сепак поперсонално и продуктивно искуство.
Најсигурниот Windows воопшто создаден
Станува збор за најсигурниот Windows воопшто создаден. Windows 10 е даден како услуга и автоматски се синхронизира со последните иновации и безбедносни ажурирања. Windows 10 нуди искуство за сите уреди според потребата, вклучувајќи персонални компјутери, таблети, мобилни телефони, Raspberry Pi, Xbox One, HoloLens и други – со повеќе од 2.000 уреди и конфигурации кои веќе се тестираат.
Новите Windows Store и Windows Software Development Kit, кои исто така, станаа достапни во средата, ги открија новите иновативни искуства за апликации на Windows 10.
Луѓе од целиот свет го прославија почетокот на Windows 10, во средата на фан прослави во 13 земји преку новa едногодишна иницијатива за да ги означат луѓето и организациите кои со секојдневната работа го прават светот едно поубаво место за живот. Microsoft ги поттикнува луѓето да споделат како тие го прават светот едно поубаво место за живот #UpgradeYourWorld и да гласаат за глобалната непрофитна организација и да добијат донација во кеш со едноставно означување на нивниот профил на социјални мрежи со користење #UpgradeYourWorld и #vote на Instagram, Фејсбук или Твитер.
Денес започнува новата ера на Windows. Од самиот почеток, Windows 10 е уникатен – изграден со повратни информации од над 5 милиони фанови, создаден како услуга и понуден како бесплатна надградба, Windows 10 доаѓа со визија за по-личен, естетски, мобилен и безбен дофат на потребите со технологиите. Заедно со нашите партнери, возбудени сме да го предложиме најдобриот Windows досега, кој ќе ги поттикне луѓето и организациите од целиот свет да направат извонредни нешта, изјави Тери Маерсон, извршен потпретседател, Windows and Devices група, во Microsoft.
Windows 10: Најдобриот Windows досега
Windows 10 е брз и познат – со враќање на Start менито и Live Tiles за инстант, стриминг ажурирања на она што е најважно. Windows 10 е најсигурниот Windows кој Мајкрософт некогаш го создал, со подобрувања во Windows Defender и SmartScreen за да им помогне за заштита против вируси, малициозен софтвер и phishing и нови иновации како Windows Hello, која нуди брз и безбеден начин да се логирате без лозинка. Ажурирањето е исто така едноставно, бесплатните ажурирања, ќе им помогнат на луѓето да останат во тек со најновите прилагодувања,а безбедносни ажурирања ќе го продолжат животниот век на уредот.
Windows 10 е персонален и продуктивен, со глас, пенкало и допир за природна интеракција со компјутерот. Тој е дизајниран совршено да работи со Office и Skype и ви овозможува да се префрлате низ апликациите и да останете организирани со Snap и Task View. Windows 10, нуди многу иновативни искуства и уреди, вклучувајќи:
Cortana, личен дигитален асистент, со него лесно ќе ги најдете вистинските информации во вистинско време.
Новиот Edge прелистувач на Мајкрософт овозможува брзо пребарување, читање како и означување и споделување на Интернет.
Интегрираните Xbox апликации овозможуваат Xbox искуство со Windows 10, со што ги зближува пријателите, игрите и достигнувања низ Xbox и Windows 10 уредите.
Continuum ги оптимизира апликациите и искуството едноставно преку режим на допир и десктоп режим.
Вградени апликации, вклучувајќи фотографии, мапи, нови апликации за музика на Мајкрософт, Groove и Филмови & ТВ понуда и забавни опции за продуктивност. Со OneDrive, датотеките може лесно да се споделат, а се чуваат ажурирани во сите уреди.
Апликацијата Microsoft Phone Companion им овозможува на iPhone, Андроид или Windows телефоните да работат беспрекорно со Windows 10 уредите.
Сосема новите Office Mobile апликации за Windows 10 таблети се достапни денес во Windows Store 3. Вградени за работа во тек, Word, Excel и PowerPoint, апликациите нудат конзистентно прво искуство на допир за мали таблети. За потребата на дигитално запишување белешки, апликацијата OneNote со сите карактеристики доаѓа пре-инсталирана со Windows 10. Претстојната објава на Office десктоп апликациите (Office 2016) ќе го понуди најбогатиот сет на функции за создавање професионални содржини. Наменети за прецизност на тастатура и глувче, овие апликации ќе бидат оптимизирани за компјутери со голем екран, лаптопи и уреди 2-во-1 како Surface Pro.
Windows 10: Најдобра платформа за бизнис
Повратните информации од милиони ИТ професионалци го обликуваа Windows 10, најопширно тестирани верзија на Windows досега. Windows 10 кој е подготвен за корпорациски развој ќе им помогне на компаниите да се заштитат од модерните сајбер напади, ќе им овозможи искуства на вработените што ќе им ја олесни работата и ќе овозможи континуирана иновација со платформа која ги одржува компаниите во чекор со најновите технологии. Бизнисите ќе можат да ја контролираат фреквенцијата на нивните надградби и да изберат карактеристики и функционалност за секоја група од вработените.
Windows 10, содржи вградена поставка за безбедност на претпријатието, така што корисниците може да го заменат лозинките со посигурни опции, да ги заштитат корпоративните податоци и корпоративните идентитети, и да работат само на софтверот на кој му веруваат. Новите алатки за управување и користење го поедноставуваат управувањето со уреди, помагаат во намалување на трошоците, и им овозможуваат на компаниите да ги зајакнат своите бизниси преку силата на облакот Microsoft Azure.
Врвни апликации достапни на Windows 10
Новиот Windows Store беше отворен во среда и започна со прифаќање нови апликации за Windows 10. Windows Store нуди пазарување на едно место за најпопуларните бесплатни и платени апликации, игри, филмови, ТВ емисии и најнова музика, кои може да работат на сите Windows 10 уреди.
Новиот Windows Store е единствената продавница, каде што луѓето можат да ја користат Cortana за контрола на апликации со нивниот глас 5 и да добијат известувања во реално време на нивните апликации. Сите содржини на Windows Store се сертифицирани од Microsoft со цел да ги одржуваат уредите безбедни.
Во прилог на постоечкиот Windows 8.1 апликациите како Netflix, Flipboard, Mint.com, “Asphalt 8: Airborne” и The Weather Channel, Windows Store обезбедува континуиран прилив на нови и ажурирани Universal Windows апликации и игри, вклучувајќи Twitter, “Minecraft: Windows 10 Edition beta,” Hulu, iHeartRadio, USA TODAY, “Candy Crush Saga WeChat и QQ кои ќе бидат достапни во скоро време. 6
Лесна надградба, достапни уреди
Надградбата кон Windows 10 е лесна за корисници кои работат на Windows 7 или Windows 8.1 компјутер или таблет. Почнувајќи од среда, лицата кои се пријавиле за надградба кон Windows 10 ќе бидат известени во неколку наврати кога нивната надградба ќе биде подготвена за инсталипање. За деловните корисници, Windows 10, е на располагање за имплементација во рамките на нивните работни средини, и почнувајќи од 1 август, организациите кои имаат волуменски лиценци може да се надградат со Windows 10 Enterprise и Windows 10 Education.
Партнерите за малопродажба се подготвени да им помогнат на корисниците да преминат кон Windows 10, со подсредство на најголемата технолошка програма што компанијата некогаш ја направила – повеќе од 100.000 обучени трговци и десетици илјади продавници низ целиот свет. Бесплатните програми за надградба се достапни од 29 јули, додека Windows 10 софтверот ќе биде пуштен во продажба во продавниците од средината на август и септември во целиот свет. Уредите кои работат на Windows 10 ќе бидат достапни во некои продавници на 29 јули, а многу повеќе уреди ќе станат достапни во следните седмици и месеци.
Дополнителни информации за надградба, нови и соодветни уреди, како и апликации за Windows може да најдете на http://www.windows.com .
Повеќе информации за „Надгради го твојот свет“ можете да најдете на: http://www.windows.com/upgradeyourworld .
Повеќе информации за преземањето на новиот Windows 10 и на следниот линк.
