Официјална Москва ја советува Европската унија, која се соочува со голема мигрантска криза, да има предвид какви последици може да има врз Европа поттикнувањето на конфликти во други земји, изјави денеска портпаролот на руското Министерство за надворешни работи Марија Захарова, јави МИА.
Навистина сме подготвени да оствариме целосна соработка со земјите, кои се погодени од оваа криза, особено кога станува збор за ЕУ во надминување на последиците и решавање на проблемот со илегалната миграција во Европа – рече Захарова.
ЕУ се соочува со тешка мигрантска криза, имајќи предвид дека на нејзина територија од почетокот на годината влегле 340 илјади илегални мигранти, истакна Захарова и додаде дека Русија смета оти нејзините партнери во ЕУ не можат адекватно да реагираат на влошувањето на ситуацијата.
Таа додаде дека е очигледно дека постојат пропусти во миграциската политика на Унијата.
Портпаролот на руското МНР истакна дека Русија и претходно, кога избувнувале конфликтите на Блискиот Исток, предупредила на опасноста од нови конфликти.
