Приведените И.Н.(34) и А.К.Н.(36) кои вчера се случи на Клиниката за абдоменална хирургија ранија лекар, добија кривична пријава за „убиство во обид“ и „недозволено држење на оружје или распрскувачки материи“, „соизвршителство“, „насилство“ и „напад врз службено лице при вршење на работи на безбедноста“.
Имено, откако завчера (08.11.) нивната мајка поради големи болки во пределот на стомакот од страна на И.Н. и А.К.Н. итно била однесена на одделението за дигестивна хирургија при КЦ „Мајка Тереза“ каде била примена од страна на оштетениот (кај кого претходно истата била пациент) тој им кажал дека ќе изврши оперативен зафат. По извршениот оперативниот зафат, за истото телефонски бил известен првопријавениот, а вчера од страна на медицинскиот персонал, по извршената утринска проверка на пациентите, било констатирано дека пациентката починала, за што биле известени двајцата пријавени.
Веднаш по дознавањето дека неговата мајка починала, И.Н. од дома го земал пиштолот и се упатил кон клинички центар „Мајка Тереза“ каде што на влезот во ургентен центар се сретнал со неговиот брат А.К.Н. и заедно се упатиле на одделението за дигестивна хирургија. Првопријавениот поминал покрај обезбедувањето и влегол на одделението, а неговиот брат откако бил сопрен на вториот спрат од вработениот во обезбедувањето, го удрил со тупаници неколку пати по што продолжил да се движи кон третиот спрат. И.Н. на пултот од влезот во одделението за дигестивна хирургија, од дежурната сестра побарал истата да му каже каде е докторот (оштетениот) и истата му кажала дека е на брифинг кај шефот на одделението. По кратко време до
