Делегација на меѓународно признати врвни експерти во кардио хирургија од Италија, составена од проф. др. Алберто Росини од Универзитет Брејша, др. Романо Серџини и др. Педро Силва од Болницата Милано Фетабенефратели, деновиве се во посета на Македонија.
Во организација на министерот за странски инвестиции Џери Наумоф посетија кардиолошки клиники во Скопје и се сретнаа со нивни колеги во Македонија. Во Клиничката болница Аџибадем Систина, на средбата со шефот на кардио хирургијата, проф. др. Салис Таџер и неговиот тим, беа запознаени за високите достигнувања на кардиохирурзите во Македонија и беа разменети искуства на моредната кардио хирургија и неколку полиња за можна соработка.
„Заедничката цел е да се продолжи трендот на усовршување во кардиологијата во Македонија, за да се зголеми високиот углед на македонската кардио хирургија во овој дел на Европа, како и промоција на медицинскиот туризам“, изјави нивниот правен представник Иван Бехаре.
