Славната актерка Хедер Локлир е хоспитализирана откако вчера доживеала сообраќајна несреќа.
Педесет и петгодишната актерка се здобила со полесни повреди откако со своето Порше влетала во ров во близина на својот дом во Таузенд оукс во Калифорнија.
Полицијата наведува дека кај актерката не се пронајдени траги од дрога и алкохол во крвта.
Локлир, која во 80-тите и 90-тите се прослави во сериите „Династија“ и „Мелроуз плејс“, во минатото била приведувана поради злоупотреба на психоактивни супстанци и предизвикување сообраќајни несреќи на патот.
