Со 376 гласови „за“, Христијан Мицкоски на вонрдниот 16-ти конгресот во Валандово во саботата беше изгласан за нов претседател на ВМРО-ДПМНЕ, во која до пред изборот ја извршуваше функцијата генерален секретар на партијата, на која стапи на 30-ти јули годинава.
За време на владите на ВМРО-ДПМНЕ, Мицкоски беше претседател на Управниот одбор и генерален директор на АД ЕЛЕМ и професор на Машинскиот факултет при УКИМ.
Мицкоски важи за млад, перспективен кадар на партијата. Неговото досегашно богато работно искуство е надополнето со преку сто научни трудови, а добитник е и на повеќе меѓународни награди и признанија за иновации. Партиципирал во изработка на редица меѓународни развојни проекти од областа на енергетиката и мехатрониката.
За стручноста и капацитетите на новиот генерален секретар на ВМРО-ДПМНЕ говори и фактот што АД ЕЛЕМ во соопштение во минатата година напиша „Електрани на Македонија“ може да има само придобивки од искористувањето на стручениот, професионалниот и меѓународно признат капацитет на Христијан Мицкоски кој ќе ја продолжи и унапреди развојната политика на компанијата.
Учествувал во изработка на редица меѓународни проекти од областа на енергетиката и мехатрониката, а во 2001 година е избран за најдобар дипломиран студент на Машинскиот факултет во Скопје.
Неговата академска надградба продолжила на универзитети во Германија и Италија каде магистрирал и докторирал, а реализирал и неколку студиски престои во Италија, Австрија и Германија.
Мицкоски од 2015 година до крајот на мандатот на Владата на ВМРО-ДПМНЕ беше Советник за енергетика на претседателот на Владата, во моментов е вонреден професор на Машинскиот факултет во Скопје, а во 2011. година, Мицкоски бил и визитинг професор на Техничкиот универзитет во Виена.
Новиот претседател на ВМРО-ДПМНЕ има и партиско искуство: тој во април годинава беше избран за претседател на Кадровската комисија на ВМРО-ДПМНЕ, а член на Комисијата е од јули минатата година, беше дел и од Републичкиот изборен штаб на изборите во 2011. година, а претходно и од Регионалниот изборен штаб на Изборната единица 4, на изборите во 2008, 2014 и 2016 година.
Мицкоски беше и ко-претседател на Комисијата за енергетика во периодот од 2010 до 2012 година.
