Без разлика на политичката припадност, за пратениците од која и да е политичка провиниенција, во една демократијата неприкосновено е почитувањето на волјата на народот и со тоа не смее да се импровизира, рече Христијан Мицкоски, претседател на ВМРО-ДПМНЕ, во неговото гостување на ТВ Алфа во емисијата „Отворено“.
„Отприлика милион и 200 илјади граѓани со право на глас кои што одлучија, му кажаа на Зоран Заев и владата на СДСМ дека референдумот е неуспешен и оваа мнозинство и оваа волја на граѓани треба да ја почитува владата, парламентот и на сите пратеници, не станува тука збор за пратениците на ВМРО-ДПМНЕ, тука е апсолутна јасна и чиста ситуацијата и нема дилеми. Tука станува збор за сите оние претставници во законодавниот дом без разлика на политичката припадност, волјата на граѓаните во една демократија е неприкосновена и тука нема и не смее да има простор за било какви импровизации“, рече Мицкоски
Според него, никој не може да оди против волјата на граѓаните и против народот, па дури ни Зоран Заев и неговите партиски пајташи.
Додаде дека народот им дал црвен картон, а тој црвен картон ќе го потврдат и на следните парламентарни избори и ќе ги испрати во трајна политичка пензија, како што рече, заборавени длабоко во времето на транзицијата на Република Македонија.
