Папата Франциск денеска ги искритикува лицемерите во Католичката црква, пренесоа светските агенции.
Колку често го гледаме срамното однесување на оние луѓе кои одат во црква и се таму секојдневно, но водат живот во кој ги мразат останатите или озборуваат други луѓе, рече тој за време на аудиенцијата во Ватикан.
Подобро не одете во црква: Живејте како атеисти, апелираше папата кон оние верници кои не се искрени во верата.
За време на аудиенцијата папата беше домаќин на Кубанскиот национален циркус, а се обиде и да танцува со уметниците и да „врти“ фудбалска топка на показалецот.
