Горан Иванишевиќ го напушта Ѓоковиќ.
Сепак, не станува збор за раскинување на соработката, туку разделбата е за кратко. Иванишевиќ ќе се врати за завршниот дел од Вимблдон, доколку светскиот рекет број еден не биде сензационално елиминиран.
Поранешниот победник на Вимблдон од 2001 година, Горан Иванишевиќ од неодамна е дел од тимот на Новак Ѓоковиќ, за жал поради претходно прифатени обврски мора на кратко да го напушти тимот, сепак Хрватот вели дека Србинот заслужено е број еден во светот.
„За жал не успеав да ги сменам обврските, заминувам со авион денеска попладне, можеби и ќе се вратам назад, се зависи дали ке ги вклопам претходно прифатените обврски, јас сум негов навивач од претходно, прифатен сум добро од тимот, особено од Вајда, Ѓоковиќ сака да работи и напредува, се гледа зошто Ноле е број еден, предвидувам полуфинале, Ѓоковиќ – Раониќ и Надал – Федерер“, изјави Иванишевиќ.
Ѓоковиќ утре се среќава со Уго Умбер, меч кој е напрограмата како трет и последен на „вториот“ стадион на Вимблдон.
