Владата на СДСМ ја бележи најлошата реализација на буџетски средства по основ капитални инвестиции. Наместо да ја согледа својата неспособност Сугарески ги обвини временските прилики и неприлики за ниската реализација на капитални проекти, реагираат од ВМРО-ДПМНЕ на прес-конференцијата на министерот за транспорт и врски Горан Сугарески.
„Просекот на реализација на капиталните инвестиции за изминатите три години владеење на СДСМ е под 70 проценти. Ова значи дека Владата парите на граѓаните наместо да ги инвестира во капитални проекти ги трошела расипнички за криминални тендери и грантови задоволувајќи ги интересите на криминалната банда на чело со Заев“, зкалучуваат од ВМРО-ДПМНЕ и додаваат:
„Ниту тој самиот не си верува дека Владата на СДСМ е способна да гради во услови на криза имајќи во предвид дека во нормални услови, кога цела Европа бележеше економски раст и инвестираше во својата иднина, капиталните инвестиции во Македонија беа на катастрофално ниво“.
Сугарески мора да одговори до каде е гасификацијата, нагласуваат од ВМРО-ДПМНЕ, еден од најпромовираните проекти во памфлетот наречен програма „За живот во Македонија“? Потоа и да одговори на прашањето до каде е изградбата на 600 километри автопат во Македонија? До каде е изградбата на пругата кон Бугарија?
