Наќе Чулев на својот фејсбук профил го честиташе Денов на македонското народно востание-11 Октомври.
-На сите граѓани им го честитам денешниот државен празник, Денот на народното востание на македонскиот народ – 11 Октомври.
На овој ден се слави пожртвуваноста и решителноста на македонскиот народ за слобода и за создавање на самостојна и независна држава. Тој идеал нè води и денес во остварувањето на подобра сегашност за денешните и подобра иднина за наредните генерации.
На денешен ден се потсетуваме дека љубовта кон татковината е важна и тоа е една од работите за кои треба да ги учиме и воспитуваме идните генерации. На овој голем празник, уште еднаш, да се потсетиме на заветот кој ни го оставија нашите предци, достојно и гордо да го чуваме ова парче земја, бидејќи тоа е сè што имаме, пишува во својата честитка поранешниот министер за внатрешни работи Наќе Чулев.
