Две лица, од кои едно потешко, се повредени во сообраќајна несреќа која се случила вчера попладне на регионалниот пат Македонска Каменица – Саса.
Во несреќата, информира МВР, учествувале „форд мондео“ со штипски регистарски ознаки, управувано од 64-годишниот В.О. од Македонска Каменица и „фолксваген голф“ со регистарски ознаки од Македонска Каменица, управувано од 70-годишниот Р.Ѓ. од Македонска Каменица, во кое сопатник била исто така 70-годишната Г.Ѓ. од Македонска Каменица.
По незгодата Р.Ѓ. и Г.Ѓ. се пренесени во Клиничка болница- Штип, каде од доктор на Г.Ѓ. ѝ се констатирани тешки телесни повреди, а на Р.Ѓ. му се констатирани повреди, посочуваат од МВР.
Увид на местото на настанот извршила увидна екипа на Одделение за внатрешни работи Делчево.
