СДСМ oд денеска почнуваме со нова фаза на интензивните теренски активности, СДСМ оди од врата до врата, пред домовите на нашите сограѓани. Тимови во секоја општинска организација, партиски функционери и членови ќе го посетат секој дом, секое семејство, да разговараме за сработеното но, и да ги слушнеме нивните потреби, изјави на прес конференција Мартин Попов, организациски секретар на партијата.
– Заеднички, со граѓаните ја креираме најдобрата програмската понуда на СДСМ за локалните избори. Понуда за граѓаните, која ќе го унапреди квалитетот на живот во секое населено место, во секоја општина. Предлозите, коментарите и барањата, кои ги добиваме на маалските и урбани средби, на граѓанските трибини, на средбите со целни групи, веќе ги систематизираме и анализираме. На ист начин ќе постапиме и со предлозите кои ќе стигнат преку проектот од врата до врата – рече Попов.
Тој информира дека за неполн месец, одржале над 750 маалски и урбани средби, 12 големи граѓански трибини и дека се присутни меѓу граѓаните во секоја општина, во секоја населба, во секоја улица.
– Пред граѓаните настапуваме и со отчет за досега сработеното и имаме полно право да го правиме тоа затоа што покажавме дека за нас зборот е збор. Досега се реализирани над 70 отсто од програмите на општините, реализирани се над 7.000 проекти на централно и локално ниво, податоци кои говорат за посветеноста и ангажираноста на централната и локалната власт предводени од СДСМ – рече Попов.
