Динамо Загреб ја отвори новата сезона во Лига Европа со пораз на домашен терен од англискиот Вест Хем со 0:2, додека во Црвена ѕвезда во Белград (0-2).
Капитенот Аријан Адеми остана на терен во текот на сите 90 минути, а Стефан Ристовски беше заменет во вториот дел. Нивниот учинок во четвртокот вечерта не помогна да се избегне поразот од фаворизираниот противник од англиската Премиерлига.
Гостите од Лондон започнаа одлично и доминираа на теренот од самиот почеток. Искористија еден подарок на Кевин Теофил-Катерине, кој му овозможи на Микаил Антонио рутински да ја погоди домашната мрежа. Мечот беше одлучен во воведните минути од вториот дел. Деклан Рајс реализира една одлична соло акција и стави точка на мечот во Загреб.
Финишот во Белград донесе три погодока и ерупција од одушевување меѓу навивачите и играчите на Црвена ѕвезда во дуелот со Брага (2:1). Се чекаше дури до 75 минута за Милан Родиќ да го отвори резултатот со прецизен удар со глава по изведениот корнер. Гостинската екипа возврати веќе во следната акција кога згреши во опасната зона домашната одбрана, кога Галено биеше без размислување и го пронајде патот до голот на Ѕвезда.
На пет минути пред крајот српскиот првак доби шанса за победа од пенал. Фаул направи Тормена, а Александар Катаи смирено погоди за конечни 2:1.
