Траги од истекување гориво се гледаат на 300 метри пред несреќата со македонскиот автобус на автопатот Струма. Ова го констатирала инспекцијата на подрачното министерство, објасни министерката Виолета Комитова за Нова.бг.
Објасни и дека делот каде што се случила несреќата нема закон 16 и според документи не се работи за автопат туку обичен меѓуградски пат.
„До пред некој ден не знаев дека делот од Струма каде се случи тешката автобуска несреќа не е автопат, туку обичен, широк меѓуградски пат. Со голо око сите гледаме добар пат. Но, со голо око не можеме да ги почувствуваме падините на него, рече министерката.
„Патот нема акт 16, бидејќи не се завршени постапките за експропријација. Според проектот, ова е патот Е-79, со максимална дозволена брзина од 90 km/h. Ова не е автопат“, додаде како одговор на прашање зошто брзината во оваа делница е зголемена на 120 км/ч.
Кажа и дека заштитната ограда во кобниот дел била во нормите што важеле во моментот кога била поставена.
„Има знаци на местото кои можеби падналe пред неколку месеци. РИА презеде акција за обновување на заштитната ограда. Сепак, нашата најголема слабост е обележувањето. Поставена е само средната централна линија“, потенцираше Комитова.
