Езра Конса беше херојот на Астон Вила која во последниот неделен дуел од 15-то коло на англиското фудбалско првенство на домашен терен со 2:1 го совлада Лестер Сити.
Гостите поведоа со погодокот на Харвви Барнс во 14 минута, но Езри Конса одговор со израмнување за домашните по само три минути. Во 54 минута истиот играч по вторпат го совлада Шмајкл и со своите први голови сезонава ѝ донесе победа на Астон Вила.
Со овој резултат двете екипи се бодовно израмнети со 19 минути, Астон Вила сега е 10-та а Лестер Сити е место подолу на табелата.
Претходно во неделата германскиот стратег Ралф Рнгник го одработи првиот натпревар во кариерата како тренер, и тоа на клупата на Манчестер Јунајтед и успешно. На својот „Олд Трафорд“ „Црвените ѓаволи“ го совладаа минимално Кристал Палас, но доста се изнамачија за да дојдат до трите бода. Гостите до 77 минута одолеваа, но тогаш нивната одбрана ја проби Бразилецот Фред кој постигна убав погодок.
Манчестер Јунајтед се врати моментално на шестото место со 24 бодов, бод повеќе од Арсенал кој има и меч помалку, а Кристал Палас е 13-ти со 16 бодови, и може да биде минат од Евретон кој има бод помалку но и домашен меч против Арсенал закажан во понеделник.
Тотенхем ја впиша третата првенствена победа во низа, а на домашен терен со 3:0 го совлада Норич Сити. Стрелци беа Лукас Моура во 20, Давинсон Санчез во 67 и Сон Хеунг-мин во 77 минута.
Тотенхем сега е петти со 25 бодови, но и еден заостанат меч, и заостанив два бода зад четвртопласираниот Вест Хем. Норич останува на самото дно на табелата со 10 бодови, но неговите конкуренти за спас Њукасл, Барнли имаат исто толку бодови, а Вотфорд кој е на спасителното 17-то место има само три бода повеќе.
Лидс Јунајтед и Брентфорд одиграа без победник 2:2 со возбудлива завршница. Домашните поведоа во 27 минута преку Тајлер Робертс, но гостите во вториот дел направија резултатски пресврт преки Шендон Батист во 54 и Серхи Кањос во 61 минута. Лидс до крајот се обидуваше да дојде барем до бод, а тоа му успеа дури во петтата минута од судиското продолжение на мечот кога погоди Патрик Бамфорд.
Брентфорд се одржа на 12-то место со 17 бодови, додека Лидс со бод поналку е на две места подолу на табелата.
