Најмалку три лица ги загубиле животите а уште 24 други се повредени во уривање на десеткатница во иранскиот град Абадана во југозападната провинција Хузестна, пренесе во понеделникот агенцијата Tasnim, повикувајќи се на претставникот на министерството за вонредни ситуации.
Од канцеларијата на провинцискиот гувернер рекле дека се стравува оти можно е бројот на загинатите да биде поголем, поради тоа што урнатиот објект се наоѓа во густонаселената урбана средина. Самата повеќекатница била комерцијален и деловен центар и била во изградба. По наредба на локалните власти се евакуриаа околните станбени и деловни објекти.
Според снимките на локалните медиуми, зградата е делумно урната и речиси половина од структурата е уништена, а се забележуваат бетонски тавани и ѕидови паднати на улица од кои се уништени неколку автомобили.
Остатокот од објектот сѐ уште стои, а може да се зебалежат само празни ѕидови. Во моментот на уривањето станарите од соседните згради почувстувале силно тресење.
Во моментов на местото на несреќата работат неколку спасувачки и противпожарни екипи, како и медицински тимови.
Властите се подготвени да обезбедат уште 50-ина спасувачи и хеликоптер за евакуација на тешко повредените во болниците. Засега не е позната причината за уривање.
After a collapse of a 10-story building today in Abadan, southwest of Iran, twelve @Iranian_RCS rescue teams and two sniffer dog teams are working on the scene, saving people from the rubble and providing first aid to the survivors. pic.twitter.com/vCG0mXobpw
— IFRC Middle East and North Africa (@IFRC_MENA) May 23, 2022
