Помалку од половина од Германците штедат енергија откако владата поради намалување на снабдувањето со руски гас предупреди дека може да бидат принудена да ја рационализира потрошувачката, покажало истражувањето на агенцијата YouGov.
Вкупно 39 отсто од учесниците во анкетата ја намалиле потрошувачката на енергијата, утврдил YouGov во анкетата којашто ја нарече службената германска новинска агенција DPA.
Во групата „штедливи“ 11 отсто изјавиле дека почнале да ја штедат енергијата веднаш по почетокот на војната во Украина на 24-ти февруари, а 28 отсто признале дека ја намалиле потрошувачката дури во изминатите четири седмици. А 27 отсто се решиле на штедење и пред војната.
Популарна мерка за штедење е и пократкото и туширање со вода со пониска температура, кој ја одбрале 49 отсто од оние кои штедат енергија. Малку повеќе од половината, или 53 отсто, го намалиле бројот електрични уреди во состојба на мирување, а 35 отсто планираат да ја проверат штедливоста на греалките или тоа веќе го сториле.
Секој десетти испитаник помалку гледа филмови и телевизиски серии, а 18 отсто од нив помалку готват.
Во групата од оние кои сѐ уште не ја намалиле потрошувачката на енергијата, само 9 отсто од нив не планираат тоа да го сторат ниту во иднина, главно затоа што не гледаат никаков потенцијал за заштеда.
Од друга страна, 15 отсто од испитаниците имаат намера да ја намалат потрошувачката на енергија, а 10 отсто не сакат да се обврзат такви мерки.
Најголемата европска економија нервозно го исчекува расплетот од ситуацијата на намалените испораки на рускиот гас. Берлин, кој објави дека сака да ги намали испораките на руските енергенси, се брани дека Русија со јунското намалување на 60 отсто на испораките одговорила на европските санкции поради војната во Украина.
Рускиот „Газпром“ одговори дека бил принуден да ја намали испораката на гасот преку гасоводот Северен тек 1, откако повеќе од месец не му е вратена турбината која германски „Siemens“ ја испрати на редовен ремонт во Канада која ја блокираше поради санкциите против руската компанија. Покрај тоа, во моментов се изведува одамна најавеното редовно годишно одржување на гасоводот, и се очекува дека ќе биде завршено во последната седмица од јули.
Канада во меѓувреме потврди дека ќе ја врати турбината во Германија, што наиде на остри критики од Украина. Украинската заедница во Канада се обидува со правни средства да ја блокира испораката на турбината.
